Nú fara að hefjast aftur málþing Bara gras? eftir gott sumarfrí og verða á dagskrá víða um land á næstu vikum. Það fyrsta var haldið 6. október sl. í Íþróttaakademíunni Reykjanesbæ og að venju var góð mæting foreldra, setið í hverju sæti. Með stuðningi sveitarfélaganna á Suðurnesjum (Garður, Vogar, Grindavík, Sandgerði og Reykjanesbær) var sett upp veglega dagskrá sem tómstundafulltrúar á svæðinu unnu að með öðru fagfólki í forvörnum og öllum foreldrum í byggðarlaginu og mæta til að fræðast um skaðsemi kannabisneyslu.

Í dag, 26. júní, er alþjóðadagur Sameinuðu þjóðanna gegn fíkniefnum en verkefnið Bara gras? var fyrst kynnt til sögunnar þennan dag fyrir ári síðan. Fræðsluverkefnið Bara gras? hefur fengið mjög góðar viðtökur, sett voru upp 14 málþing í vor eins og til stóð og á annað þúsund foreldrar hafa sótt þessi fræðsluþing. Fjölmargir aðilar hafa sett sig í samband við verkefnastjórn um að setja upp fræðslu í haust og því mun verkefnið halda áfram óbreytt fram á næsta vetur.